जीबडी
लका जाल्या लई वाईट दिस आणलेस मह्यावर त्वा, मॅट्रिकीच्या परीक्षेला किती पोरं बसविले व्हते र पाक कंबारड मोडलं बग म्हव. जरा तरी लाज हाय का नाय, पैक कमवायच्या नादात माह्याकडं तुव्ह अजिबात ध्यान नाय बघ. तेइस पोर बसिलेस लगा अन वरून डिझ्याल टाकायचं तर घसल्याट टाकून पळवीतोस, मायच्यान संगतीय जीव जायचा बाकी व्हता. टपाडावर चार पोर बसवलं अन थोबाडापुढ तीन, तुला तरी दिसत व्हत का रं पुढलं. एक जण तर सांगत व्हता पुढं ढोरं आलीत म्हणून तव्हा कुठं वाचले मी. बरं आता एवढं व्हावून बी मी तुही साथ सोडली नाय म्हणलं हाय याचा सिझन तर जाऊद्या, जाल्या त्या दिशी तुव्हा हात गियर पतूर पुरत नव्हता लगा तुव्ह मुंडक बाहेर अन एका टिरिवर मला चालवीत व्हता, बरं झालं बाजूच्या पोरांनी पटकीनी गियर बदलीला नसता खरंच जीवच सोडीत व्हते बघ म्या. त्ये मॅट्रिकीचे पेप्पर झाले, तर लगेच बारावीचे सुरू अन ते झालं की झाला तुव्हा लग्नाचा सिझन सुरू. आर त्या बारावीच्या पेपराला जातानी कसलं गाणं वाजवत निघालास लका ते पोर पेपराला चाललेले अन तुव्ह गाणं, “पर देसी पर देसी जाना नही" आर लका पोर नापास व्हायची येळ आली अन काय जाना नाही लका ते पुढल्या ...